Vatan haqida chiroyli she’rlar to’plami

Vatan haqida she'rlar to'plamiSizlarning e’tiborlaringizga Vatan haqida she’rlar, O’zbekiston haqida she’rlarni taqdim etamiz. Ushbu Vatan haqida she’rlardan foydalaning.

VATAN

Sen agar bug‘doy boshoq bo‘lsang somoningman, Vatan,
Toabad boshing omon bo‘lsin, tovoningman, Vatan.

Barcha yaxshi, barcha oqil, barcha dono, faylasuf,
Qimtinib bir chekkada yurgan yomoningman, Vatan.

Chor taraf zulmat, tuman, uvlaydi ming -minglab shoqol,
To sahar gulxan yoqib chiqqan cho‘poningman, Vatan.

Barcha jim, tilsiz pisib, mum tishlaganda, xayqirib,
Haq so‘zin dor ostida aytgan zaboningman, Vatan.

Bo‘lmasin ovvora yov oybolta qayrab qatlima,
Qatl etib o‘ldirsa xam o‘lmas omoningman, Vatan.

Yurtda Vulqon cho‘qqidek boshim bulutlardan baland,
Yov uchun mangu o‘tib bo‘lmas dovoningman, Vatan!

Vatan himoyachilari haqida she’rlar

Vatanim

VATANIM

Men dunyoni nima qildim,
O`zing yorug` jahonim,
O`zim xoqon,
O`zim sulton,
Sen taxti Sulaymonim,
Yolg`izim,
Yagonam deymi,
Topingan koshonam deymi,
O`zing mening ulug`lardan
Ulug`imsan, Vatanim…

Shodon kunim gul otgan sen,
Chechak otgan izimga,
Nolon kunim yupatgan sen,
Yuzing bosib yuzimga.
Singlim deymi,
Onam deymi,
Hamdardu hamxonam deymi,
Oftobdan ham o`zing mehri –
Ilig`imsan, Vatanim.

Sen Mashrabsan,
Xalqda tumor,
Balxda dorga osilgan,
Navoiysan, shoh yonida
Faqirini duo qilgan.
Yassaviysan, meniki deb,
Ko`ringan da’vo qilgan,
Ming bir yog`i ochilmagan
Qo`rig`imsan, Vatanim.

Xurshid Davron Vatan haqida she’rlar

Sen Ho`jandsan,
Chingizlarga
Darvozasin ochmagan,
Temur Malik orqasidan
Sirdaryoga sakragan,
Muqannasan qorachig`i
Olovlarga sachragan,
Shiroqlarni ko`rgan cho`pon
Cho`lig`imsan, Vatanim.

Kim Qashqarni qildi makon,
Kim Enasoy tomonda,
Jaloliddin – Qurdistonda,
Boburing – Hindistonda,
Bu qanday yuz qarolig` deb
Yotarlar zimistonda,
Tarqab ketgan to`qson olti
Urug`imsan, Vatanim…

O`g`lim desang osmonlarga
G`irot bo`lib uchgayman,
Chambil yurtda Alpomishga
Navkar bo`lib tushgayman,
Padarkushdan pana qilib
Ulug`beging quchgayman,
G`ichir-g`ichir tishimdagi
So`lig`imsan, Vatanim…

O`tgan kuning – o`tgan kundir,
O`z boshingga yetgan kun,
Qodiriyni bergan zamin,
Qodiriyni sotgan kun.
Qo`lin bog`lab,
Dilin dog`lab,
Yetaklashib ketgan kun,
Voh bolam! deb aytolmagan
Dudug`imsan, Vatanim.

Yoningda qon yig`lagan bir
Shoiringga qarab qo`y,
Gar Qo`qonga yo`ling tushsa,
Detdomlarni so`rab qo`y.
Hech bo`lmasa Usmon hokin
Keltirmoqqa yarab qo`y,
Olislarda qurib qolgan
Qudug`imsan, Vatanim…

Sen – shoxlari osmonlarga
Tegib turgan chinorim,
Ota desam,
O`glim deb,
Bosh egib turgan chinorim,
Qo`ynimdagi iftixorim,
Bo`ynimdagi tumorim,
O`zing mening ulug`lardan
Ulug`imsan, VATANIM !

Konstututsiya haqida she’rlar

Bolalar uchun vatan haqida she’rlar 

 

Vatan

VATAN

Seni desam yuragimda
ochilar gullar,
Yomg’ir bo’lib samolardan
sochilar gullar,
Sahrolardan, daryolardan
sochilar gullar,
Yuragimning gulisan sen,
gullagan Vatan!

Isming aytib uyg’onadi
chuchuk jilg’alar,
Sunbulalar tonglaringdan
taqar sirg’alar,
Kiprigimda yog’dularing
solar jilvalar,
Tilagimning gulisan sen,
gullagan Vatan!

Xushbo’y-xushbo’y olmalarda
jannat havosi,
Tog’laringning bag’rida ming
dardning davosi,
Shudir, axir, bir insonning
umr safosi,
Yuragimning gulisan sen,
gullagan Vatan!

Hovuch-hovuch, zilol-zilol
suvingdan ichdim,
Mehring qanot bo’ldi, moviy
ko’klarda uchdim,
Yana qaytib senga keldim,
tuprog’ing quchdim,
Tilagimning gulisan sen,
gullagan Vatan!

… Yuragimning gulisan sen,
gullagan Vatan!

Til haqida she’rlar

O'ZBEKISTONIM, SENGA

Vatan haqida she’rlar O’ZBEKISTONIM, SENGA

Aylayin qalbimni tortiq nurli bo‘stonim, senga,
Sen vatandirsan, fidodir tanda bu jonim senga.

Bebahosan, asragayman gavharim, deb men seni,
Sen qarog‘ bo‘lsang agarda, sadqa mujgonim senga.

Sendan ayru dam uzundir, lahzalar ham yilga teng,
Bir umrga lek barobardir kerak onim senga.

Har bir ahling bitta yulduz, kavkabistonim o‘zing,
To hayotdirman, charog‘im, shu’layi shonim senga.

Yoru do‘stlar jam bo‘libdir, to‘y qilur o‘zbek elim,
Men degayman xush kelibsan, do‘stu mehmonim, senga.

Xizmatingga shay erurman, mehnatingda ham o‘zim,
Baxtiyorman, sarf etolsam borki imkonim senga.

Dilda borim sen uchundir, qo‘lda torim sen uchun,
Qayda bo‘lsam talpinurman, O’zbekistonim, senga.

Mustaqillik haqida she’rlar

Vatan haqida chiroyli she'rlar to'plami

Vatan haqida chiroyli she’rlar to’plami

Kurashib yovlar bilan
Fido qildi jon-u tan
Necha-necha ajdodlar
Bo’ldilar qurbon Vatan!

Oyoq bosib Chingizlar
Otdi senga ildizlar
Ba’zi gumrox beyuzlar
Sotdilar arzon Vatan!

Hind yurtida qildi sabr
Seni sog’inib Bobur
Yot yurtda o’lmoq og’ir
Sensan bizga jon Vatan!

O’zga yurtda Furqatlar
Chekdi qancha zaxmatlar
Yillab kutdi fursatlar
Bo’lmadi imkon Vatan!

Gul bo’lmayin kul bo’ldik
Birovlarga qul bo’ldik
Mana endi xur bo’ldik
Senga sharof shon Vatan!

Ajdodlarim yod bu’lsin
Ruxlari ham shod bo’lsin
Yurtimiz obod bp’lsin
Bizlarga makon Vatan!

Oshdi shuxrat shonim ham
O’tar bahtli onim xam
Senga fido jonim ham
Xo’r O’zbekiston Vatan…!!!

O’zbekiston bayro’gi haqida she’rlar

 

Sequyosh yurt

Sequyosh yurt

Quyosh nuri dilni yoritgan,
Ona zamin borini sochgan.
G’amlar emas quvonch yig’latgan.
Serquyosh yurt kimda bor?
Bizga doim baxtlar yor!

Kim qiziqsa bizning ishlarga,
Qolmas aslo g’azzod qishlarga.
Xush navosi ôxshar qushlarga,
Serquyosh yurt kimda bor?
Bizga doim baxtlar yor!

Tinch yurtim,ozod yurtim,
Har gôshasi obot yurtim.
Kônglim senla shod yurtim,
Serquyosh yurt kimda bor?
Bizga doim baxtlar yor!

Ôzing menga beshik bôlding,
Baxtga eltar eshik bôlding.
Har ishimga sherik bôlding,
Serquyosh yurt kimda bor?
Bizga doim baxtlar yor!

Ollox seni inom etgan,
Bu zaminda dono ôsgan.
Doim bizni dunyo kôgan,
Serquyosh yurt kimda bor?
Bizga doim baxtlar yor!

Joni fido Shamshod Safar!
Senga mudom xizmat qilar.
Sendan albat qarzin uzar,
Serquyosh yurt kimda bor?
Bizga doim baxtlar yor!

Kitob haqida she’rlar

O’ZBEKISTON DAVLATI

O’ZBEKISTON DAVLATI

O’zbekiston bayrog‘i ko‘tarildi chinakam,
Ushbu kunni, ayting-chi, qay birimiz kutmadik.
Zarur bo‘lgan chog‘da goh dor tagida turib ham,
Qay birimiz tarixning sinovidan o‘tmadik.
Dong‘il safarga chiqdi endi hur O’zbekiston,
Kimgadir oyoqosti, kimga u osmon bo‘ldi.
Shukrkim, o‘z-o‘zini tanidi keksa jahon,
Ya’ni o‘zbek Davlatin jumlai jahon bildi.

Ne-ne kamsituvlarni ko‘rgan shu boshim bilan,
Ona xalqim, qoshingda tizza bukib turibman.
O’zbekcha gapirganda, bir chuqum oshim bilan
Sadaqai baxting deb borim to‘kib turibman.

Garchi doim ungandir gulchechaklar bog‘imda,
Temur va Navoiyni eslaymiz takror-takror.
Men-ku uzoq yasharman, lekin ketar chog‘imda
Tepamda egilajak o‘z tug‘im – bayrog‘im bor!

Nasib etmish bu kunlar, taralsin yangroq unlar,
Do‘stlar bilar yonma-yon qutlaylik bu ayyomni.
Iloyo, boshimizga kelmasin qaro kunlar,
O’zbegim, deb ko‘taring, do‘stlarim, oltin jomni.

ERK HAQQI

ERK HAQQI
Qadimiy bobo yurtim,
Qutlug‘ bo‘lsin yaloving,
O’ylay-o‘ylay tashlagan
Qadam muborak bo‘lsin.
Tag‘in gurillab yongay
O’chmagan qalb oloving,
Erk haqqiga ichilgan
Qasam muborak bo‘lsin.
Kimsaga yomonlikni
Ko‘rmagansan hech ravo,
Lekin shum qutqulardan
Chiqmadi sho‘rlik boshing,
Endi seni qo‘llasin
Zafar o‘zi doimo,
Safaring bexataru
Xizr bo‘lsin yo‘ldoshing.

Bu mening vatanim O’zbekistonim

HAR JABHADA DONG TARATGAN DUNYODA
XUMOSI HAM MAG’RUR UCHAR SAMODA
BETAKRORDIR , BENAZIRDIR JAMOLDA
BU MENING VATANIM O’ZBEKISTONIM !!!

OSMONLARDAN YUKSAK ERUR KAMOLI
HAM BOY HAM ZO’R YOQIMLIDIR KALOMI
HILOLLARDAN GO’ZALROQDIR AYOLI
BU MENING VATANIM O’ZBEKISTONIM !!!

OSMONIDA PORLAB TURAR AXTARLAR (YORUG’ YULDUZ)
UDIR MENING BAG’RIMDAGI BOR JONIM
BUTUN DUNYO QARSAK ILA MAQTARLAR
BU MENING VATANIM O’ZBEKISTONIM !!!

HAR YERLARI GULSHANLARGA BURKANGAN
CHO’P QADASANG NIHOLLARGA AYLANGAN
O’G’LONLARI MARDLIK UCHUN YARALGAN
BU MENING VATANIM O’ZBEKISTONIM !!!

HECH BIR GULI BEHUDAGA SO’NMAGAN
KIMKI BOQSA BU ZAMINGA TO’YMAGAN
VOSI LIKNI(BAG’RI KENG) YERGA TASHLAB QO’YMAGAN
BU MENING VATANIM O’ZBEKISTONIM !!!

KABUTARLAR ERKIN UCHAR OSMONDA
ISHLARIDAN BUTUN DUNYO HAYRONDA
GULLAB BORAR BAXTIYORLIK HAR ONDA
BU MENING VATANIM O’ZBEKISTONIM !!!

BU MENING VATANIM O’ZBEKISTONIM !!!
TOMRIMDA OQYOTGAN TO’KILMAS QONIM
ULUG’LIK , BUYUKLIK SIYMOSI BO’LGAN
BU MENING VATANIM O’ZBEKISTONIM !!!

VATANIM YAGONAM

VATANIM YAGONAM

Agar do‘stlar erur sodiq bir-birin qiyratib bo‘lmas,
Agar qilg‘il necha fitna alarni ayratib bo‘lmas.
Demishlar: moru qushni bir qafasda asratib bo‘lmas,
Vatandan ayri ko‘ngilni bilingki, yayratib bo‘lmas.
Baayni bandi bulbulni chamansiz sayratib bo‘lmas.

Vatan deb men bayon qildim, ayo do‘stlar, muxammasni,
Vatanni kim ulug‘ bildi, aziz bildim men ul kasni.
Vatan deb jo‘sh urar ersa ko‘targum boshima xasni,
Vatandan ayri ko‘ngilni bilingki, yayratib bo‘lmas.
Baayni bandi bulbulni chamansiz sayratib bo‘lmas.

Nadomat birla boqg‘ayman vatansizlarga har doim,
Egib boshini zor yig‘lar, agarchi davlati qoyim,
Faqir bo‘lsam-da bor yurtim — toju taxtim, borar joyim.
Vatandan ayri ko‘ngilni bilingki, yayratib bo‘lmas.
Baayni bandi bulbulni chamansiz sayratib bo‘lmas.

Bobolar kechmishin hargiz faromush aylamang, do‘stlar,
Haqiqat tongi otganda ani tush aylamang, do‘stlar,
Agar kim e’tiqodsizdur, ani xush aylamang, do‘stlar,
Vatandan ayri ko‘ngilni bilingki, yayratib bo‘lmas.
Baayni bandi bulbulni chamansiz sayratib bo‘lmas.

Diyorim O’zbekistondur, ki andin iftixorim bor,
Demakkim, hur adolatlig‘, davlati barqarorim bor,
Onamdek mehribon, munis Vatan bor, g‘amguzorim bor,
Vatandan ayri ko‘ngilni bilingki, yayratib bo‘lmas.
Baayni bandi bulbulni chamansiz sayratib bo‘lmas.

Vatan, sen hur, yo‘ling shonli, qadamni tashlagin shaxdam,
Faxr-la boqg‘ay Abdullo, ko‘zida shodligidan nam
Panohingni tilab Haqdin dilida iltijo har dam,
Vatandan ayri ko‘ngilni bilingki, yayratib bo‘lmas.
Baayni bandi bulbulni chamansiz sayratib bo‘lmas.
1994

Vatan himoyachilari she’rlar

C

Mustaqil Vatanim O’zbekiston

O’tgan ming asrdan beradi sado
Boshqalar bir dunyo o’z bir dunyo
Tanamda doimo jo’sh urgan qonim
Mustaqil Vatanim O’zbekistonim

Har bir qarich yeri jannatlarga teng
Buxoro Samarqand Xivasin ko’ring
Quyoshi porlaydi tinchdir osmonim
Mustaqil Vatanim O’zbekistonim

Zamonlarga boqing bugun tengdoshim
Boshqadan kam qilmas bizni yurtboshim
Yaxshi-yomon kunda Vatandir panoh
Bu yurtni qo’llaydi yaratgan Alloh

Birlashib shu elning ertasi uchun
Yurakda porlasin o’chmas bir uchqun
Dilda bo’lsin abad yolg’iz so’zimiz
Axir biz buyuk yurt farzandlarimiz.

O'zbegim

O’zbegim

Omad qushi tanlagan seni,
Unutmaysan hech birimizni.
Yaxshilikka sarflagan kuchni,
Dunyo bilar ôzbek nomini!

Bizdan faqat ozod yurt qolar,
Ôzbegimga doim baxt kular.
Yosh-u qari omading tilar,
Dunyo bilar ôzbek nomini!

Tinchlik nomi ôzbegim ôzing,
Bajargaysan har aytgan sôzing.
Qôldan kelmas yôqdiz bir ishing,
Dunyo bilar ôzbek nomini!

Hech bir yurtga qaram emassan,
Ôzbek nomi bizga keraksan.
Mening baxtim ôzbek ôzingsan,
Dunyo bilar ôzbek nomini!

Doim meni qôllagan Vatan!
Bolam deya allalar aytgan.
Senga sodiq ôg’lon bôlaman,
Dunyo bilar ôzbek nomini!

Xor bôlmaydi hech qachon ôzbek,
Zor bôlmaydi hech qachon ôzbek.
Buyuk davlat buyukdir ôzbek,
Dunyo bilar ôzbek nomini!

Or-nomus deb kurashgan ôzbek,
Ôz nomi deb kurashgan ôzbek.
Har birimiz ôg’il-qizidek!
Dunyo bilar ôzbek nomini!

Yuksaklarga kôtaray seni,
Bolam deya atagin meni.
Ado etay farzandlik burchni,
Dunyo bilar ôzbek nomini!

Hech yozishdan tôxtamas qôlim!
Maqtash desa tiyilmas tilim!
Ishlasam gar ôzbekcha yôlim,
Dunyo bilar ôzbek nomini!

Ôzga yurta bôlguncha podsho,
Ôz yurtimga bôlayin gado.
Olloximdan keldi bir sado,
Endi burchim etayin ado.

Shamshod xizmat qiladi sizga,
Qôlni oching siz ham duoga.
Hech ôxshatmang bizni birovga,
Dunyo bilar ôzbek nomini!

Kitob haqida she’rlar

TAVALLO

TAVALLO

Oq yo`rgakka o`ragansan o`zing bizni,
Ham oq yuvib-taragansan o`zing bizni.
Beshigimiz uzra bedor ona bo`lib,
Kunimizga yaragansan o`zing bizni.
Fidoying bo`lgaymiz seni, O`zbekiston,
Hech kimga bermaymiz seni, O`zbekiston!..

Qalqoning bor, kim qasd qilsa gar joningga,
Alpomishlar ruhi yor har o`g`loningga.
Asragaymiz giyohing ham gulday o`pib,
Yovlar yaqin yo`lolmagay qo`rg`oningga.
Adoying bo`lgaymiz seni, O`zbekiston,
Hech kimga bermaymiz seni, O`zbekiston.

Tuzing totib, unutganlar xor bo`ladi,
Ko`zlariga ikki dunyo tor bo`ladi.
Shodon daming ko`rolmagan yurtfurushlar
Bir kun bir kaft qumlog`ingga zor bo`ladi.
Yoningda turgaymiz seni, O`zbekiston,
Hech kimga bermaymiz seni, O`zbekiston!..

Gul ko`ringan dashtingdagi giyoh-xasdir,
Soddadilu ulug`vorlik senga xosdir.
Sevamizki, cho`llaring ham bizga jannat,
Tuprog`ing ham Makka misol muqaddasdir.
Onadek ko`rgaymiz seni, O`zbekiston,
Hech kimga bermaymiz seni, O`zbekiston!

MENI OLIB KETING Vatan haqida she'rlar

MENI OLIB KETING

Tinch edi hamma yoq, tinch edi har yon,
Titradi go‘yoki yer bilan osmon.
Boshimga xastalik tushdi nogahon,
Meni olib keting o‘z diyorimga.

Issiq jon, deydilar, jon bo‘lsa bo‘lar,
Payt kelsa chechak ham sarg‘ayar, so‘lar.
Kim bilgay paymonang qay yerda to‘lar,
Meni olib keting o‘z diyorimga.

Ginam bor bu yurtning na havosidan,
Mehribon doktorning na davosidan.
Qaytarmang xastani muddaosidan,
Meni olib keting o‘z diyorimga.

Sha’nimga g‘ayurlar bir so‘z demasin,
Har kim o‘zi tortar umr kemasin.
Hech kimni mushtoqlik dardi yemasin,
Meni olib keting o‘z diyorimga.

Talpingan diyorim, u — O’zbekiston!
Sehrini aytishga bormi hech imkon!
Yo‘q, o‘zga yurtlarda berolmasman jon,
Meni olib keting o‘z diyorimga.

Mustaqillik haqida she’rlar

Manba