Tarbiya nima?
Tarbiya bu siz oʼylab topgan idealingizga bolangizni oʼxshatish uchun qilayotgan hatti-harakatlaringiz jamlanmasidir. Har doim ota-ona farzandini tarbiyalaganda oʼz ehtiyojlarini hisobga oladi. Yaʼni farzand obroʼ uchun, sizning talablaringizga javob berishi uchun, sizning ehtiyojlaringizni qondirishi uchun tarbiyalanayotgan boʼlishi mumkin.
Farzandingizga qimmatbaho kiyim kiygazish bu tarbiya emas, bu siz uchun kerak boʼlgan bir holat. Аgar sizning farzandingiz qimmatbaho kiyim kiysa, siz oʼzingizni shunga qodir boʼlganingizdan qoniqasiz, va shu kiyimni olib berganingiz haqida boshqalarda fikr paydo boʼlishiga intilmoqdasiz xolos.
Bolani toʼgʼri tarbiyalayotgan ota-ona bilan notoʼgʼri tarbiyalayotgan ota-onaning farqi “Bola tarbiyasiga qani vaqt” deyishlaridadir. Nimalarga vaqt topayapsiz? Oʼzingizga xisob bering. Vaqt bugalteriyasini aniq xisob-kitob qiling. Bola uchun ajratilgan vaqtga xiyonat qilmang. Bu vaqtni televizor koʼrish uchun, telefonda bekorchi gaplashish uchun ajratmang.
Tavsiya etamiz: Farzandingizni go’zal axloqqa o’rgatish yo’llari
