Shavkat Rahmon hayoti va ijodi. Sh. Rahmon she’rlar to’plami

Shavkat Rahmon hayoti va ijodi. Sh. Rahmon she’rlar to’plami

shavkat rahmon hayoti va ijodi

XX asr o’zbek she’riyatida 70 – 80-yillar avlodining ijodiy izlanishlari, adabiy jarayonlardagi muqim o’rni alohida e’tiborga molik. ShavkatRahmon, Usmon Azim, H.Xudoyberdieva, Xurshid Davron, Q.Rahimboeva, Yo’ldosh Eshbek kabi bir qator shoirlarning adabiyotga kirib kelib, o’z so’zlarini aytishi tasodifan paydo bo’lgan emas.

Aksincha, ma’lum adabiy-ijtimoiy zamin va ehtiyojga tayanadi. Endilikda bu avlod vakillarining har biri individual ijod yo’li, uslubi, o’z adabiy  taqdiri bilan shakllangan ijodkorlar sifatida tanildi. Ularning ijodi XX asr o’zbek adabiyotining ulkan oqimida boshqa davrlar she’riyatidan mavzular mushtarakligi, ohangdagi o’ziga xoslik va poetik so’zning yangi qirralarini kashf etishi bilan ham farqlanib turadi.

Sh.Rahmon haqida

Iste’dodli shoir Shavkat Rahmon 1950 yilning 12 sentyabrida O‘sh viloyatining Qorasuv tumaniga qarashli Pomir mahallasida xizmatchi oilasida tug‘ilgan.

1966 yilda o‘rta maktabni tugatgach, qurilishlarda, viloyat bosmaxonasi va gazetasida ishlaydi.

TAVSIYA ETAMIZ : SH.RAHMON SHE’RLARI O’QISH >>

1973 yilda Moskvadagi M. Gorkiy nomidagi Adabiyot institutini bitirgach, Toshkentga ko‘chib kelib, G‘afur G‘ulom nomidagi Adabiyot va san’at nashriyotida muharrir va bo‘lim boshlig‘i, O‘zbekiston Yozuvchilar uyushmasida mas’ul xodim bo‘lib ishlaydi. U shoir sifatida o‘zining takrorlanmas ovozi bilan tengdoshlaridan ajralib turardi.

U uzoq davom etgan og‘ir xastalikdan keyin 1996 yil kuzida olamdan o‘tdi. Shoirning dastlabki she’rlari O‘sh viloyat gazetalarida bosiladi.

Shavkat Rahmon She’rlari

Birinchi she’riy to‘plami «Rangli lahzalar» (1978). Shoirning «Yurak qirralari» (1981), «Ochiq kunlar» (1983), «Gullayotgan tosh» (1984), «Uyg‘oq tog‘lar» (1986), «Hulvo» (1988) kabi bir qator she’riy to‘plamlari bosilib chiqadi.

Shoirning o‘z qo‘li bilan tayyorlagan, ammo vafotidan keyin nashr etilgan «Saylanma» to‘plami (1997)ni ko‘zdan kechirsangiz, butun ijodi davomida yaratilgan sara asarlari qatorida xastalik damlarida bitilgan she’rlarga ham duch kelasiz.

TAVSIYA ETAMIZ : SH.RAHMON SHE’RLARI O’QISH >>

Yutuqlari

Shavkat Rahmon tarjimon sifatida taniqli ispan shoiri Lorkaning go‘zal she’rlarini rus va ispan tillaridan tarjima qilib, ikki marta nashr ettiradi (1979-1989) va o‘zbek o‘quvchisining ma’naviy dunyosini boyitishga hissasini qo‘shgan.

Boshqa arboblar >>

Manba