Ayollar haqida saralangan she’rlar to’plami

Oshiqlaring poyingga gul otib ham bo`ldi,

Xilvatlarda labingdan bol totib ham bo`ldi,

Va bu haqda kimlargadir sotib ham bo`ldi,

Sen baribir muqaddassan, muqaddas ayol.

Avval kelib, quchog`ingga to`l, balq dedilar,

Unamading ayol asli ters xalq dedilar,

Yetolmagach yuz o`girib, sho`r taxt dedilar,

Sen baribir muqaddassan, muqaddas ayol.

Talpinasan astagina va qo`yasan bosh,

Mingyillikdir ko`zlaringda jovdiragan yosh,

Gunihkorlar mingu bitta, senga tegar tosh,

Sen baribir muqaddassan, muqaddas ayol.

Chorlashganda jim kelsang-da, bekor kelsang-da,

Mast davraga xor kelsang-da nomardlarga zor kelsang-da,

Xor kelsang-da nomardlarga xor kelsang-da,

Sen baribir muqaddassan, muqaddas ayol.

Aslida bor ermaklarning borar yeri sen,

Yaxshi-yomon ertaklarning borar yeri sen,

Asov otdek erkaklarning borar yeri sen,

Sen baribir muqaddassan, muqaddas ayol.

Harir, xushbo`y badaningda toshlar izi bor,

Ko`kragingda egilgan ne boshlar izi bor,

Quyosh o`ti kuydirgan ne quyoshlar izi bor,

Sen baribir muqaddassan, muqaddas ayol.

– Sendan yuksak nima bor, yulduz?

– Ona mehri.

– Sendan keskin nima bor, olmos?

– Onalar qahri.

– Qayerdan olding otashni, quyosh?

– Ona qalbidan.

– Po`lat, qayerdan senga zo`r bardosh?

– Ona zarbidan.

– Senmi, ko`klam, hayotbaxsh fasl?

– Yo`q, ona izi.

– Senmi, totli, shifibaxsh asal?

– Yo`q, ona so`zi.

– Dengiz, nedir kenglika tanho?

– Ona og`usi.

– Sendan shaffof ne, tongi ziyo?

– Ona boqishi.

– Yaratgusi senmi, tabiat?

– Yo`q, yo`q, onalar.

– Baxt bitguvchi senmisan, hayot?

– Yo`q, yo`q, onalar…

Husn-u malohatning tengsiz timsoli,
Farzand baxtin ko’rish o’y-u xayoli.
Farishtaga o’rnak oydek jamoli,
Aziz mukkaramsan-o’zbek ayoli.
Sen uchun farzandning baxti bo;lsa bas
O’tkinchi dunyoni qilmaysan havas.
Har kiygan libosing malaklarga xos
Muqaddas, azizsan- o’zbek ayoli.
Sen uchun boshimiz egikdir mudom,
Sen uchun yurakda,dilda ehtirom,
Nomihg aytsam,jaranglar bir nom
Aziz va munissan-o’zbek ayoli.

Xonim deymu yo erkam, jonim,
Begim deymu yo deymu bonu.
Ayol otlih buyuk jahonim,
Sen men uchun abadiy yog`du.

Oyim deymu yoqud quyoshim,
Barcha sifat ojiz qarshingda.
Sening bilan ko`kdadir boshim,
Sen porlaysan ko`ngil arshimda.

Beshik emas, dunyo tebratgan

Deydilarki, Bu olam ichra
qolsa hamki bir dona ayol,
Zargar zoti kunduzu kecha.
Bezagini etarmish xayol.
Beshik emas, dunyo tebratgan,
Qo`llaringni o`psak bo`lur oz.
Oyohlaring ostida erkan.
Jannat degan eng oliy E’zoz.

Azizim ayol!

Sen bir chechakmiding bogda ochilgan,
Yoki bir libosmi, bahtga bichilgan,
Dunyoga ezgulik sen-la sochilgan,
Men seni azizam deyinmi ayol?

Sen uchun yozildi qancha qo’shiqlar,
Ortingdan ovvora qancha oshiqlar,
Qoshingda eridi toshdan qattiqlar,
Men seni azizam deyinmi ayol?

Seni haq yo’lingdan toydirguchi ko’p,
So’ng esa mish-mishlar yoydirguchi ko’p,
Ba’zida joningdan to’ydirguchi ko’p,
Men seni azizam deyinmi ayol?

Erta saharlarda uyqudan kechib,
Dalaga otlanding, bolang opichib,
Tog kelsa kemirding, suv kelsa ichib,
Men seni azizam deyinmi ayol?

Ba’zi erkaklarda qolmadi imon,
Er-hotin qo’sh-ho’kiz desalar-yolgon,
Qo’shni endi yolgiz tortasan giryon,
Men seni azizam deyinmi ayol?

Joying poygak bo’ldi, doim, to’r emas,
Mehnating, zahmating oshkor, sir emas,
Joningni dedilar qirqta, bir emas,
Men seni azizam deyinmi ayol?

Yurakda qoldirding o’chmaydigan iz,
Dunyoda tushunding sen meni yolgiz,
Mayliga desinlar meni «feminist»,
Men seni azizam deyinmi ayol?

Sen mening singlimsan, opam yo onam,
Yoki bir kelinchak, yoki bir sanam,
Senga qurbon bo’lsin bu jon, bu tanam!
Men seni azizam deyinmi ayol?

Ozgina yumshadi bugun tosh diydam,
Sutingiz hurmati, aziz volidam,
Ayolga bitildi ushbu qasidam,
Men sizni azizam deyinmi ayol?

 

Ayollar haqida chiroyli she’rlar to’plami 2

Men oftobga alishmagan ayollar!

Deydilar qahrli bahodirlar ham,

Tunda beshigini quchguncha ayol

Tabassum yarashar ayol yuziga,

Аyolga pul bering, shunday pullarki,
Erkaklar yashirib yurgan pullardan.
Аyolga pul bering, shunday pullarki,
Choyxonani kutib turgan pullardan.

Аyolga pul bering, ӯziga emas,
Rӯmol olmoqchidir qaynonasiga.
Ӯgʼliga planshet, qiziga kitob,
Nosvoy olmoqchidir qaynotasiga.

Аyol pul sӯrasa bӯlmang dargʼazab,
Busiz ham qaltirab turadi yurak.
Uyga mehmon kelar, pistayu bodom,
Dasturxonga banan, apelьsin kerak.

Аyol pul sӯrasa bӯling Hotamtoy,
Sizlarga yor bӯlsin xush kayfiyatlar.
Ey siz baraka boshi, ey boy otalar,
Muhtaram erkaklar, valineʼmatlar.

Erkak uchun pul qӯl kiri emish,
Tӯkilar restoran, mayxonalarda.
Erkak qӯlin yuvar ikki kunda bir,
Bir-biridan gӯzal choyxonalarda.

Erkak pul sarflasa kӯcha-kӯylarda,
Chӯntakda shamollar sayr etib yurar.
Pullari kӯchada qolgan uylarda,
Sichqonlar hassaga suyanib turar.

Erkak pul sarflashga ustasi farang,
Chorlar sinfdoshlar, bir kun jӯralar.
Bir kuni kasbdoshlar, dӯstlar, ulfatlar,
Tӯplanar kursdoshlar, mardlar, tӯralar.

Аyol-chi? Аyol bir sӯm topsa tugar ӯn joydan,
Borini oshirar eplar, uch-uchlar.
Eri tashlab ketgan yirtiq pulni ham,
Kӯziga surtadi, yamar, skotchlar.

Аyolga pul bering, sӯraganida,
Аyolga pul bering, bӯlmasdan baxil,
Аyolga pul bersangiz, uch-tӯrt kun ӯtmay,
Sizga xudo berar, mana men kafil.