Bolalar uchun raqamlar haqida eng qiziqarli she’rlar.

Sahifamiz orqali bolalar uchun sonlar, raqamlar haqida eng qiziqarli she’rlar bilan tanishingiz mumkin.

Raqamlar tilga kirdi.

Raqamlar — sonlar ifodalanadigan shartli belgilar. Qadimda sonlar soʻzlar orqali ifodalangan. Xalqlarning ijtimoiyxoʻjalik hayoti rivojlanishi bilan mukammalroq belgilarga va hisoblash tizimlariga ehtiyoj tugʻildi.

0 (Nol)

Yolg’iz kelsam yo’q sonman,
Na juft-u, na toq sonman.
Kelsam gar raqamdan so’ng,
Ko’nglim tog’dek, to’q sonman.

1(Bir)

Tik turaman gerdayib,
Shapkam bordir kelishgan.
Sanoq sonning boshiman,
Meni hamma bilishgan.

Meva va sabzavotlar haqida qiziqarli she’rlar.

2(Ikki)

Birdan keyin kelaman,
Nomimni derlar ikki.
Darsini qilmaganga
“Sovg’aman” doim bilki.

3( Uch)

Ikkiga birni qo’shing,
Hosil bo’lgan men – uchman.
Ikkidan bir yuqori,
To’rt va beshdan kuchsizman.

4(To’rt)

Uchdan keyindir o’rnim,
Uchta ukam bor jajji.
Nomimni deyishar to’rt,
Menda nechta bir, top-chi?

Alifbe bayrami uchun harflarga atalgan she’rlar to’plami

5(Besh)

Beshta birning yig’indisi,
O’sha besh men bo’laman.
A’lo oqiganlarga
Qo’yilsam shodlanaman

6(Olti)

Beshdan keyin kelaman,
Nomimni derlar olti.
O’ng tomon aylantirsang,
Boshqa son bo’lib qolgum.

7(Yetti)

Yetti o’lchab, bir kes der,
Yetti kun bor haftada.
Men qarang mo’jizaman,
Mo’jiza bor yettita.

Bolalar haqida she’rlar to’plami

8(Sakkiz)

Yetti bilan to’qqizning
O’rtasi mening joyim.
Shaklimni chizib ko’rgin,
Bordir-a, ikki oyim.

9(To’qqiz)

Bir xonali sonlarning
Eng kattasi o’zimman.
Sakkizda ikki ko’z bor,
Men-chi, qarang bir ko’zman.

10(O’n)

Bir va noldan bo’ldim hosil,
Tarkibimda o’nta bir.
Juft sonlarning biriman,
Ukamlar to’qqiztadir.

0 raqami.

Diqqat mening nomim nol,
Oquvchim sen ogoh bol.
Yolgiz tursam yoqman men,
Sherik bolsa toqman men.
Yozilishim qiyinmas
Dum-dumaloq chizsang bas!

1 raqami.

Bir degan sanoq sonman ,
Sanash uchun osonman
Bitta yurak bitta bosh,
Bitta oy, bir quyosh,
Yozishga ham o’ng’ayman,
Qoziqchaga o’xshayman.

Yil fasllar haqida eng yangi she’rlar.Fasllar haqida she’r.

2 raqami.

Ikki degan nomim bor,
Ikki birdan men tayyor.
Ikki qo’l, ikki oyoq,
Ikki ko’z, ikki quloq,
Nimaga o’xshayman xo’sh
Xuddi ko’ldagi oqqush !

3 raqami.

Uchta birman nomim uch,
Birlashganda bo’lar kuch.
Uchgacha sanayman der,
Shart o’ynagan har bir sher.
Yozish uncha qiyinmas,
Tishlangan ikki kulcha.

4 raqami.

Men to’rt degan raqamman,
Ikki ikkidan jamman.
Bo’lsa ikki juft o’rtoq,
To’rtta ulfat o’sha choq.
Yozishni mashq qil picha,
Bir oyog’i narvoncha !

5 raqami.

Besh degulik nomim bor,
Raqamlar ichra ilg’or.
Bir-bir qo’shsa anchaman,
Qo’ldagi besh panjaman.
Yaxshi tirish yozmoqqa,
Sal o’xshayman qarmoqqa.

Hosil (Mehrjon) bayrami tadbiri ssenariysi

6 raqami.

Beshdan keyin oltiman,
Raqamlarning oldiman.
Ikki uchni qo’shsang bas,
Hech qachon esdan chiqmas .
Yozishni lozim bilmoq
Guyoki oddiy ilmoq.

7 raqami.

Mening nomimdir yetti,
Endi demanglar mitti.
Oltidan bitta ko’pman,
Yetti yulduzman to’pman.
Chizginda kichik o’roq,
Beliga boyla belboq.

8 raqami.

Sanamay demang sakkiz,
Ikki to’rtni qo’shsangiz,
Hosil bo’laman shu on,
Yaxshi bilgin ukajon
Yozilishim bil qani,
Tasavvur qil pillani.

9 raqami.

Men to’qqizman to’qqizman,
Sonlar ichra yolg’izman.
Sakkizdan bitta katta,
Bilib qo’ygin albatta.
Yozishni o’rgan asta.
Ilmoqman dumi pastda.

Hayvonlar haqida eng sara va yangi she’rlar.

Raqamlar haqida ajoyib she’rlar.

manba.