Bosh sahifa » She'rlar to'plami » Ona haqida Muhammad Yusuf tomonidan yozilgan sherlar

Ona haqida Muhammad Yusuf tomonidan yozilgan sherlar

by administrator

muhammad yusuf ona haqida sher

Muhammadi Yusuf xalq shoiri tomonidan nashr qilingan barcha sheriy to’plamda ona haqida sherlar mavjud. Uning ona haqida yozgan sherlarini o’qigan har bir o’quvchi ko’zida yosh bilan sherni nihoyasiga yetkazadi. Onalarimiz haqida, onalarning bardoshli ekanligi qadirli ekanligi haqida Muhammad Yusuf o’z sherida bayon etib qo’ygan.

Muhammad Yusuf Ona haqida sherlar

Muhammad Yusuf bu dunyoni o’zi tark etgan bo’lsada u tomonidan yozilgan sherlar asrlar davomida millionlar xalqlarning dilini manzur qilib kelaveradi.

Onamga xat

Men sizni o’ylayman shomu saharda,
Ona, sog’insam ham bora olamayman,
Tunlari charog’on shunday shaharda
Hech kimga ko’nglimni yora olmayman.

Men siz aytgandayin hammani sevdim,
Hammaga ishondim, mana oqibat:
O’z do’stim uyiga ko’mildi sevgim,
Kun bo’lib ko’ksimni kuydirdi nafrat.

Boshimdan o’tgani ko’kka ham ayon,
Yulduzlar qiqirlab kular oqbadan:
Men – zangor yaylovda olis, bepoyon,
Uyuridan ajrab qolgan qulunman…

Mana, men ketyapman tosh yo’lda ko’zim,
Qadamim moshinlar yo’rg’asiga mos.
Yig’lasam yupatib o’zimni o’zim,
Pishqirib qo’yaman toychoqlarga xos.

Va sizni o’ylayman shomu saharda,
Ona, sog’insam ham bora olmasman.
Tunlari charog’on shunday shaharda
Hech kimga ko’nglimni yora olmasman…

Ha, sevgi haqida. U dilga ne zeb,
Kuyinmang, ne iloj qilmasa nasib,
Baxtimga hamisha Siz sog’ bo’ling deb,
Sog’ingan o’g’lingiz – Muhammad Yusuf.

Muhammad Yusufning lolaqizg’aldoq sheri

Onajon

Topmoq yo‘qotmoqdir, yo‘qotmoq topmoq.
Sen so‘lib, men yashnab to‘lishimga boq.
Sensiz topganimdan ko‘proq yo‘qotdim,
Sen meni yupatding, seni yig‘latdim.
Sen meni yaratding, seni tugatdim.
Uyalmay ona deb kelishimga boq!

Sog‘inch haqda she’rlar yozdim o‘zimcha,
Mendan peshonangda dog‘lar tizimcha.
O‘g‘il bo‘lmay o‘lay, attang, ming attang,
Qiz tug‘sang netardi, ko‘proq qiz tug‘sang.
Tirgak bo‘lolmadim bitta qizingcha,
Uyalmay shoirman deyishimga boq!

Joningdan aylanay turgin jonajon,
Yo‘l qarab bo‘ldimi jigarginang qon?
Boqma ko‘zlarimga bemajol, xasta,
Meni topganlarim gulmi bir dasta.
Yo‘qotganim… Yo‘qotganim endi senmi onajon,
O‘z etimni o‘zim yeyishimga boq!

Bilsang… Bilsang yuragimni bir alam elar,
Buyursang qo‘limdan kelmaydi nelar.
Ayt, pichan yig‘aymi, o‘tin yoraymi,
Yerni haydayinmi, ko‘k ag‘daraymi?
Itdek oyog‘ingga suykalgim kelar,
Uchib-uchib mana qo‘nishimga boq!

Hech narsa kerakmas, bolam hech deysan,
Endi kech deysan-da, endi kech deysan.
Yuzimni bosaman muzdek yuzingga,
Onajon zor qilib ketma izingga.
O‘lim oldida ham g‘amimni yeysan,
Men-chi jim taqdirga ko‘nishimga boq!
***
She’rim bitdi, xayr do‘stlar, xush qoling,
Bedil yashamakka o‘rganmang mendek.
Boring, volidangiz ko‘nglini oling,
Ertaga kech qolib o‘rtanmang mendek.

Muhammda Yusuf boshqa sherlari

Ona tilim sheri

Videosi – Onajonim

Onaizor

Ko`nglim qolsa bulbuldan ham guldan ham,
Qolar bo`lsam bir kun axir tildan ham…
Agar bir zot yig`lasa chin dildan ham –
Onam yig`lar, onam yig`lar, onam u…
Sig`may qolsam shunday keng bu jahona,
Osmonlarga ruhim bo`lsa ravona,
Jonsiz tanim ustida ham parvona –
Onam yig`lar, onam yig`lar, onam u…
Tonar bo`lsa qo`limdagi tor, dunyo,
Uch kun o`tmay unutgay do`st-yor, dunyo.
Yeru ko`kni titratib zor-zor, dunyo –
Onam yig`lar, onam yig`lar, onam u…
Gulday kulib yurmasmidi, o`g`lim deb,
Ko`rib ko`nglim to`lmasmidi, o`g`lim deb,
Onang o`lsa bo`lmasmidi, o`glim deb
Onam yig`lar, onam yig`lar, onam u…
Ko`nglim qolsa bulbuldan ham guldan ham,
Qolar bo`lsam bir kun axir tildan ham…
Agar bir zot yig`lasa chin dildan ham –
Onam yig`lar, onam yig`lar, onam u…

Onaizor videosi

Muhammad Yusuf Ona haqida sherlar yoqdi ha :-(.

Onamga

Oh, mening ortimdan ovvora onam,
Bir parcha yuragi ming pora onam.
Har baloni koʻrib yorugʻ dunyoda,
Toshkanni koʻrmagan bechora onam,
Bolang boʻlib bir bor boshlab keldimmi,
Endi men ham senga oʻgʻil boʻldimmi!..

Garchi bisotingda “bayram” soʻzi yoʻq,
Bilaman, kutasan sandal toʻla choʻgʻ,
Menda yurak deganlarin oʻzi yoʻq:
Men sovgʻa bermagan qiz yoʻq bu oqshom,
Senga na gul berdim, na shirin kalom,
Endi men ham senga oʻgʻilmi, onam?..

Deysan: olislarda omon yursang bas,
Yodingga tushsam goh yoʻqlab tursang bas,
Bolam, senga hamma qiladi xavas…
Axir, mening dardim Sheʼr emas faqat,
Men mashhur shoirmas – mashhur beshafqat,
Endi men ham senga oʻgʻilmanmi, ayt?..

Shaʼningga sheʼr bitdim. U seni topsin,
Poyingga tiz choʻkib, qoʻlingni oʻpsin.
Undan ham ulugʻim borligin koʻrsin,
Men uchun ham aziz holingni soʻrsin,
Sensiz gʻarib koʻnglim koʻngilmi, onam,
Endi men ham senga oʻgʻilmi, onam!..

Muhammad Yusufning lolaqizg’aldoq sheri

Ona haqida boshqa sherlar

manba

TAVSIYA ETAMIZ

ILMLAR.UZ. 2023

Insholar
TESTLAR
Darsliklar
Tv dasturlar
Are you sure want to unlock this post?
Unlock left : 0
Are you sure want to cancel subscription?
-
00:00
00:00
Update Required Flash plugin
-
00:00
00:00