Boshlang’ich sinf o’qituvchilar va o’quvchilari uchun alifbe bayrami uchun tadbir ssenariylari,harflarga atab she’rlar qo’shiqlar, faxriy yorliklar va turli xil ko’rgazmalar to’plamini yuklab olishingiz mumkin. Alifbe bayrami uchun harflarga atab eng sara she’rlar to’plami. Alifbe she’rlari va tadbir ssenariysi va alifbe bayrami uchun qo’shiqlar. Savodxonlik bayrami uchun.
Alifbe bayrami tadbir ssenariysi.
Harflarga oid she’rlar.
A
Assalom aziz maktab,
Assalom mehribon qalb,
Assalom ey ustozim,
Avvalo sizga ta’zim.
B
Bor bo‘l doim maktabim,
Buyuk bo‘lmoq maqsadim,
Bag‘ringda o‘qib albat,
Bo‘laman sodiq farzand.
D
Dong taratgan dostonim,
Vatan bog‘u, bo‘stonim.
Dunyo turguncha turgin,
Doimo obod bo‘lgin.
E
Ertaklarni sevaman,
Ertak jonu dilimdir,
Har narsaging kaliti,
Do‘stlarim bu bilimdir.
F
Fahrimsan aziz Vatan,
Fahrlarga to‘laman,
Unib o‘sib bag‘ringda,
Senga qalqon bo‘laman.
G
Gulman go‘zal gulzorda,
Ochilam bahorda,
Yurtim quyoshli,oyli,
Yaproqlarim chiroyli.
H
Hozirjavob bolaman,
Misoli gul, loloaman,
Hazilkashman do‘stlarim,
Buyukdir orzularim.
I
Ilm izlab tolmayman,
Ikki baho olmayman,
Intilib yuksaklarga,
Erishgum istaklarga.
Tavsiya etamiz: Bolalar uchun Vatan haqida she’rlar va qo’shiqlar.
J
Jajjigina qo‘limga,
Qalam tutgan mehribon,
Sizga rahmat ustozim,
Doim bo‘ling sog‘,omon.
K
Kitob menga do‘st,o‘rtoq,
Ko‘zlarim nuri har choq,
Uni o‘qib toymayman,
Qo‘llarimdan qo‘ymayman.
L
Lola,lola,lolajon,
Tog‘lardagi gul -alvon,
Iforlaring taratib,
Bog‘larimda bo‘l mehmon.
M
Mevalari asal qand,
Mehri qalbimga payvand,
Mening g‘o‘zal chamanim,
O‘zbekiston vatanim.
N
Navdalarda nogohon,
Nafis barglar ochildi,
Nurafshon quyoh nuri,
Har tarafga sochildi.
O
Onajonim olamga,
Oftob sochgan quyoshsiz,
Mehringiz daryo misol,
Tog‘larga yelkadoshsiz.
P
Polizda pishdi piyoz,
Pishdi qovun tarvuzlar,
Keling hirmon uyamiz,
Hasharga keling do‘stlar.
Q
Qaldirg‘ochim,qaldirg‘och,
Ikkimiz ayirmasin,
Qalbi qora qarg‘alar,
Qanoting qayirmasin.
R
Rost so‘zlamoq odatim,
Rostgoylik saodatim.
Nur ziyoga to‘laman,
Rostgo‘y inson bo‘laman.
S
Suv bo‘lmasa hayot yo‘q,
Suvsiz unmaydi nihol,
Suv bu obi haytdir,
Suvni qilmaylik uvol.
T
Tarozining toshi bor,
Tog‘larning ko‘z yoshi bor,
Taraqqiyot yo‘lida,
So‘nmas — yurt quyoshi bor.
U
Ustoz ulug‘,mo‘tabar,
O‘gitlari tillo,zar,
O‘qitgan chekib zahmat,
Ustoz sizga ming rahmat.
V
Vodiylaring gullagan,
Vatan bog‘laring chaman,
Bag‘ringda yayrab,yashnab,
Men baxtlarni quchaman.
Z
Zo‘r olim bo‘lay desang,
Ziyoga to‘lay desang,
Kitobga bo‘lgin o‘rtoq,
Kitob o‘qigin har choq.
Sh
Shamoldek shoshma sira,
Daryodek toshma sira,
Yelga sochma shahdingni,
Mehnatla top baxtigni.
Tavsiya etamiz: harflarga atalgan boshqa she’rlar to’plami
Alifbe bayrami uchun qo’shiqlar.
Hulkar Abdullayeva Paka pak qo’shig’i.
Alifbe harflarga qisqa she’rlari.
“A” harfi
Assalom avvalo aziz jonajon,
Alla aytib katta qilgan onajon!
“B” harfi
Buyuk bobosi bor boshida bu kun,
Butun el taniydi yurtimni bugun!
“D” harfi
Dildan deyman doim jon-tanim,
O’zbekiston – mening Vatanim!
“E” harfi
Elim deb, yurtim deb yashayman har vaqt,
El-yurt baxti — mening baxtimdir abad.
“F” harfi
Fido bo’lsin mayli bu jonim,
Faqat omon bo’lsin ona Vatanim.
“G” harfi
Gulla go’zal, gulgin diyorim,
Gul maskanim – O’zbekistonim!
“H” harfi
Hayotim, hur o’lkam baxtimdir faqat
Hur o’lkam baxti deb yashayman har vaqt
“I” harfi
Ismingizdir Islom bobojon,
Istiqlolni bergan har qachon.
“J” harfi
Jaranglaydi jajji sho’x so’zim,
Jahon tanir bugun ovozim.
“K” harfi
Kamolingni kulib kuylayman,
Yurtim jamolingga boqib to’ymayman.
Tavsiya etamiz: Bolalar uchun raqamlar haqida eng qiziqarli she’rlar.
“L» harfi
Lolaman lov-lov yonar yuragim.
Xalqqa mehnat orzu, tilagim.
“M” harfi
Mana men mardona mashxur makonman,
Siz tug’ilib o’sgan – O’zbekistonman.
“N” harfi
Non aziz, non bilan hayotdir inson,
Non ushog’in ko’zga surgin bolajon.
“O” harfi
Ona yurt onajon – O’zbekistonim
Ona kabi aziz – jonu-jahonim.
“Y” harfi
Yillar o’tib, yillar kelibdi,
Yurtim 27yoshga to’libdi.
“P” harfi
Poytaxtim– Toshkentim, porlagin yurtim,
Paxtaga kon makon– O’zbekistonim!
“Q” harfi
Qo’limda qalamim she’r bitay sizga,
Onajon doston kam ta’rifingizda.
“R” harfi
Roxatbaxsh yurt bir jannatmakon
Rost so’zlasam bu – O’zbekiston
“S” harfi
Salom sevimligim, serquyosh diyor
Senga qo’lda, so’zla aytaman alyor
“T” harfi
To’yingga to’yona tilda dostonim
2200 yoshing qutlug’ Toshkentim.
“U” harfi
Unutmang, ustozim har bir so’zingiz
Umrbod yodimda ulkan mehringiz.
“V” harfi
Vatanim, volidam vatanda jonim
Vatan ishqi bilan o’tar har onim.
“X” harfi
Xalqimning ovozi baland har onda
Xumo qushi shoduchar moviy osmonda.
“Z” harfi
Zamonim zo’r, zorim yo’q eldan,
Zamonamni men kuylayman dildan.
“O’ ” harfi
O’zbekman, o’z tamg’am, bayrog’im bor
O’zbek madhiyasi tillarda alyor.
“G’ “harfi
Guruhlar g’oliblik bayrog’i qo’lda,
Har elimning madhi jaranglar tilda.
“Ch” harfi
Chamanning chiroyli guli o’zingiz Ustozim!
Duru-gavhar har bir so’zingiz.
“Sh” harfi
Shodman, shamol kabi shoshaman har on,
Bilimlar maskani maktabim tomon.
“Ng” harfi
Kuylang, o’ynang, quvnang, shodlaning bu kun,
Bizni qutlang Alifbeni tugatdik bugun.
“ ’ “ tutuq belgisi
Kimning kelsa belgisi,
Menman tutuq belgisi.
Tavsiya etamiz: Alifbe bayrami ssenariylar va ko’rgazmalar to’plami
