Akademik litseylarga litsey.edu.uz portali orqali qabul

akademik litsey qabul20 iyundan eʼtiboran 2022/2023 oʼquv yili uchun akademik litseylarga umumtaʼlim maktablarining 9-sinf bitiruvchilaridan hujjatlarni litsey.edu.uz portali orqali onlayn qabul qilish jarayonlari boshlanadi.

Аbiturientlar roʼyxatdan oʼtish jarayonida tizimga shaxsiy maʼlumotlarni kiritish bilan birga quyidagi hujjatlarni elektron shaklda (PDF, JPEG) yuklashlari lozim:

-joriy yilda 9-sinfni bitirganlik toʼgʼrisidagi shahodatnoma;

-3,5×4,5 sm oʼlchamdagi 1 ta rangli fotosurat;

– oʼqishga imtiyozli kirish huquqini beruvchi hujjatlar — fan olimpiadasi, tanlovlar, musobaqa gʼolibi ekanligini tasdiqlovchi diplom, sertifikat, guvohnoma, shuningdek, chet tili va umumtaʼlim fanlarni bilish darajasi toʼgʼrisidagi milliy yoki xalqaro sertifikat (mavjud boʼlsa).

Аbiturientlar roʼyxatdan oʼtishda:

oʼzlari tanlagan uchtagacha akademik litseyning bittadan mos yoʼnalishini tanlashi (bunda taʼlim tili bir xil boʼlishi kerak);

va qaysi chet tilidan kirish test sinovini topshirishini ham belgilaydi.

Shuningdek, abiturient oʼzi tanlagan hududda (Qoraqalpogʼiston Respublikasi, viloyatlar markazi yoki Toshkent shahrida) tashkil etiladigan kirish test sinovlarida ishtirok etadi.

Qabul jarayonlari bilan bogʼliq qoʼshimcha maʼlumotlarni akademik litseylarda tashkil etilgan “Call-center” raqamlari orqali olishingiz mumkin.

Maʼlumot uchun, Toshkent davlat yuridik universiteti qoshidagi akademik litsey uchun hujjatlar litsey.edu.uz sayti orqali qabul qilinadi.

Manba.